Professor emeritus Erik Falkum stiller ambisiøse spørsmål: Kva var, er og vil psykiatri bli? Han angir ikkje målgruppa, men eg vil tilrå ein viss forkunnskap og erfaring i faget.
Anmeldt av Jeanette Bjørke
Språket er forståeleg, men innhaldet kan vere teoritungt og vanskeleg tilgjengeleg. Eit smart pedagogisk trekk er samandraget i kvart kapittel som gir ei god oppsummering. Det er nokre få illustrasjonar, men det kunne gjerne vore fleire.
I forordet står det at kvart kapittel kan lesast kvar for seg. Men hovudstyrken til boka er nettopp heilskapen og det overordna blikket. Oppstykka lesing er difor ikkje å anbefale.
Boka begynner med eit historisk tilbakeblikk på filosofi og samfunnsutvikling, som legg grunnlaget for dei andre ti kapitla. Forfattaren er innom store tema som forståinga av mental helse, diagnosar, den biopsykososiale forklaringsmodellen, makt, psykoterapi og livsmestring. Det refererast til oppdatert forsking innan til dømes genetikk, og forfattaren syner ei imponerande oversikt over eit variert fag.
Les hele anmeldelsen: Imponerande oversikt over eit variert fag (Tidsskriftet Michael)
Erik Falkum Hva er psykiatri? Om fagets grunnlagsspørsmål Bergen: Fagbokforlaget, 2023 336 s. ISBN 978-82-450-4118-7
Legg inn en kommentar